Snuffel en snuif
Suid-Afrika is die josie in.
Ek glo dit nie. Dat Joost, voormalige goue seun van rugby, so amoreus kan wees! En dit sonder dat Amor snuf in die neus gekry het? Youtube kan crash die week soos almal van Paarl tot Polokwane die web fynkam om die skand-video te besigtig. Kort voor lank sal dit seker op die hoërige rak tussen die aksie of romanse seksie in videowinkels uitlek onder die titel “Een nag in Mooikloof”.
Kyk dis nog GLAD NIE bevestig dat dit wel Joost is wat so boos is nie. Al het die behendige aktrise die kêrel in die video met ’n slap riem probeer vang, was haar handsak so vol poeiers dat die beeldmateriaal aan die dowwerige kant is. Daar is dus nog nie helderheid by Jan Publiek en Soekie Publisiteit nie, maar een en almal trippel hul tone en hou vingers op die muise vir nuus wat breek.
Joost het vanoggend op die radio bevestig hy stel nou ’n taakmag saam om diegene wat so ’n gruwelike vendetta het teen hom aan die kaak te stel. En die boewe beter versigtig wees want manne, hy laat nie ’n paal onaangeraak nie. Die sekuriteit by die Dainfern golf landgoed het op die harde manier geleer.
Dit laat my nou terugdink dat daar ? klompie jare gelede berig (of is dit berug?) is dat tannie Patricia - voor sy haar ster helder laat skitter het in Baywatch of op Suid-Afrikaanse TV - blykbaar ook so ? rolletjie in ? rolprent gehad het. Maar blykbaar het sy nie gesing in die rolprent nie. Haar haardos is wel gewikkel. Daar is egter soveel blondines doenig in die bedryf dit was seker nog ? geval wees van persoonsverwarring. Snaaks genoeg, die media het nie so met die storie op loop geraak soos nou nie. Mens sou tog dink meer mense sal vir Patty as Josie in haar geboortepakkie wil sien.
Tog is die mense op die straat vol vertroue dat die debakel sal oorwaai en Joost as ’n soet seun uitstap. Anlie, wat gewoonlik vir Joost en Amor stileer by Vrouekeur, sê hulle is van haar gunsteling sterre. Baie ander kennisse getuig die paartjie is groot pretmakers. Amor is so plat-op-die-aarde mens kan nie verbaas wees as sy sommer wind breek of haar boobs flash nie!
Anlie sê “Joost is ’n ware heer. En Amor is gek na haar kinders. Ek kan dit eenvoudig nie glo nie.”
“Ek hoop vir haar kinders se onthalwe dat dit bogstories is,” sê ? joernalis vir ’n Sondagkoerant kopskuddend.
Ons sal maar moet wag en sien. En wil die mense sien!
Posts
2009/02/16 om 15:56
ja nee dis darm ‘n taamlike tameletjie, welgedaan met die subtiele verwysings!
2009/02/16 om 15:57
Sopas gehoor daar verskyn nog kiekies more in ‘n sekere warm skindertydskrif - en dat Joost ‘n interdik gekry het… details sal nog bevestig word!
2009/02/17 om 07:49
kan jy glo dat ons Suid Afrikaanse publiek niks beter het om opgewonde oor te raak nie as oor een of ander celeb wat nou weer in ‘n skandaal betrokke is nie. As dit nie patricia is nie, dan is dit steve en as dit nie steve is nie is dit joost so wie is volgende? miskien moet ons ‘n kompetisie oor dit doen en dan sal die web hits sommer styg tot oor ‘n miljoen. ek bedoel… wie worry nou eintlik oor die sokker wereld beker, misdaad in ons land, die opkomende verkiesing (mense registreer nie eers nie, want hulle id’s is weg en dis te laat…shame wat ‘n verskoning ek sien dit as blote luigeid of ‘n gebrek aan selfrespek vir jouself en jou land ) of die cholera victims in ons land wat nie eers die koerante haal nie, want dit word in die kiem gesmoor, voordat almal in limpopo emigreer na die vrystaat… maar wag net todat ‘n celebrity ‘n toonnael breek by een of ander launch of een of ander een versiersuiker snuif, dan is daar miljoene mense wat na die naaste internet kafee toe hardloop en hulle laaste sente vir brood spandeer om youtube te besoek of die naaste kafee (kry mens nog so iets), besoek om die heat van die rak af te ruk. Ek bedoel mense… kom ons kry ons prioriteite straight of is Suid Afrika so ‘n boring plek om in te bly…
2009/02/17 om 12:27
2009/02/18 om 00:22
Ek het nou net eers lekker gelag vir my eie lees fout, ekt geclick op wat ek gedink het se - Kommentart! maar met nadere aanskouing kom ek agter tot my spyt dit se net Kommentaar
Interessante leestof, wanneer kom die DVD op die rakke?? Is net jammer Amore is ook nie daar in nie, die DVD mag dalk goed verkoop in die strate van Groenpunt
Lekker storie!
2009/02/18 om 00:28
ai, joost. kom ons hoop daai tatoo doen die ding!
2009/02/18 om 00:35
o, nog ietsie, daai beige onderbroekie…met die gatjies, huhu,..ai, joost
2009/02/19 om 11:06
Nee almal wil weet so jy sal maar moet vriende maak met jou naaste Mr Video shop bestuurder. Ai, sal darem nou ‘n pennie of twee kan maak as mens die ding kon verkoop. Ons leef mos maar in broekskeur tye as die celebs met stukkende jocks in die openbare oog optree.